FANDOM


ანციკლოპედია სხვანაირი ენციკლოპედიაა. ჩვენ არ ვართ ვიკიპედია, თუმცა ისევე, როგორც ამ რესურსზე, შეგიძლიათ სტატიების თავისუფლად რედაქტირება. განსხვავებით ვიკიპედიისგან, ჩვენთან არ მოქმედებს უამრავი შეზღუდვა.

ანციკლოპედია თანამედროვე კულტურის და სუბკულტურების ელემენტების ენციკლოპედიაა. ჩვენ გვსურს ზოგადი რეალობის შესახებ რაც შეიძლება მეტი საინტერესო სტატიის დაწერა. ჩვენი რეალობის ნაწილია "როგორ გავატარე ზაფხული", "ერთმა მითხრა", უცხოპლანეტელების შემოსევა და უამრავი სხვა თემა.

თემა, რომელზეც ამ ენციკლოპედიაში დაწერთ, არ უნდა იყოს მხოლოდ თქვენთვის ცნობილი (მაგალითად, ის, რომ გუშინ სამეგობროში ბევრი დალიეთ და გადახტით მტკვარში — თუმცა, მტკვარში გადახტომის შემდეგ მაინც ვერაფერს დაწერთ). დაწერეთ. აუცილებლად დაწერეთ. მაგრამ სტატია არ უნდა შედგებოდეს სამი სიტყვისგან — აქ ის კი არ არის.

და კიდევ ერთხელ — სტატია არ უნდა იყოს სერიოზული ტონით დაწერილი, არ უნდა შედგებოდეს მოსაბეზრებელი სურათების და უცნაური სიტყვების რახარუხისგან. არ არის აუცილებელი, გახსნათ იუმორინის ფილიალი (იუმორინას მაინც ვერ აჯობებთ) და შეეცადოთ, დაწეროთ სახუმარო ტექსტი. მცდელობის სანაცვლოდ, მოიშველიეთ სარკაზმი - რაც შეიძლება მეტი.

Community content is available under CC-BY-SA unless otherwise noted.